Համացանցում տեսանյութ է տարածվել` Սպիտակցի Հայկոյի (Հայկարամ Ղևոնդյան) մասնակցությամբ ծեծկռտուքների կադրերով։
Տեսանյութում հնչում են բազմաթիվ հայհոյանքներ, ինչի համար էլ ձայնի փոխարեն` երաժշտություն է ուղեկցում տեսանյութին։
Հիշեցնենք` ապրիլի 4-ին հայտնի դարձավ, որ Սպիտակցի Հայկոյին (Հայկարամ Ղևոնդյան) մեղադրանք է առաջադրվել Խանջյան փողոցում տեղի ունեցած պատահարի համար։
Դեկտեմբերի 14-ին մահվան ելքով վրաերթ էր տեղի ունեցել Երևանում. վարորդը Խանջյան փողոցում՝ Վերնիսաժի դիմաց, վրաերթի էր ենթարկել փողոցը չթույլատրվող հատվածով անցնող 60-65 տարեկան կնոջ։ Նա զանգել էր շտապօգնություն և փորձել էր օգնություն ցուցաբերել վրաերթի ենթարկվածին, բայց կնոջը երկրորդ անգամ վրաերթի էր ենթարկել Սպիտակցի Հայկոն իր ավտոմեքենայով։
Հայկարամ Ղևոնդյանին մեղադրանք է առաջադրվել՝ ՀՀ քրեական օրենսգրքի 242-րդ հոդվածի 2-րդ մասով (Ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ), և 244-րդ հոդվածով (Ճանապարհատրանսպորտային պատահարի վայրը թողնելը)։ Նրա նկատմամբ որպես խափանման միջոց է կիրառվել ստորագրություն` չհեռանալու մասին։