ԵՐԵՎԱՆ, 16 մարտի — Sputnik. Վոլգոգրադի պետական տեխնիկական համալսարանի ուսանողը խնդրել է Ռուսաստանի նախագահին օգնել պրոֆեսիոնալ կրթություն ստանալու հարցում, որպեսզի հետո մշակի պրոթեզներ և էկզոկմախքներ, այդ մասին հաղորդում է ՌԴ նախագահի պաշտոնական կայքը։
Մարտի 15–ին Վլադիմիր Պուտինը հանդիպել է «Ռուսաստանը հնարավորությունների երկիր է» համաժողովի հաղթողների և նախագծերի ֆինալիստների հետ ու ելույթ ունեցել ամփոփիչ
«Ես «Ես պրոֆեսիոնալ եմ» օլիմպիադայի հաղթողն եմ։ Իմ անունը Դավիթ Ազարյան է, ոսկե մեդալակիր եմ։ Վոլգոգրադ քաղաքացի եմ, սովորական ընտանիքից։ Վոլգոգրադի պետական տեխնիկական համալսարանի ուսանող եմ, սովորում եմ ստանդարտացում և չափաբանություն բաժնում։ Հետագայում ցանկանում եմ սովորել Սանկտ Պետերբուրգում և կյանքս կապել բիոմեխատրոնիկայի հետ։ Ուզում եմ մշակել պրոթեզներ, օրթեզներ, էկզոկմախքներ։ Այլ կերպ ասած` ստեղծել ապագայի մարդկանց», – ասել է Ազարյանը։
Ուսուցումը շարունակելու համար նա ընտրել է Սանկտ Պետերբուրգի տեղեկատվական տեխնոլոգիաների, մեխանիկայի և օպտիկայի ազգային հետազոտական համալսարանը։
Նրա խոսքով` օլիմպիադայում հաղթանակը ենթադրում է որոշակի փողեր, որոնք նա կարող էր ծախսել, առաջին հերթին` սեփական գիտական մշակումների վրա։
«Այսպես` շենքերի քիվերից սառցալեզվակները պոկելու ռոբոտի մշակումը շատ արդի խնդիր է Վանաձորում և Սանկտ Պետերբուրգում։ Մնացած մասով ես կարող եմ ապրել թեկուզ առաջին կես տարին, մինչև աշխատանք գտնեմ Սանկտ Պետերբուրգում։ Ես միշտ երազել եմ դառնալ միջազգային մակարդակի մասնագետ։ Ցանկացել են նոր մակարդակի բարձրացնել Ռուսաստանի արդյունաբերությունը։ Եվ օլիմպիադան այդ նպատակին հասնելու հերթական քայլն է», – ասել է Ազարյանը։
Պուտինը, հաջողություն մաղթելով ուսանողին, նշել է, որ Ռուսաստանը տեխնոլոգիաների ոլորտում առաջատար դիրքերի վրա բարձրացնելու համար, իհարկե, կարևոր է պոկել սառցալեզվակները, բայց դա բավական չէ, թեև շատ կարևոր է մարդկանց անվտանգության համար։
Ազարյանը նշել է, որ նա շատ ուրիշ նախագծեր ունի և ցանկանում է շարունակել ուսումը։
«Մագիստրատուրա, ասպրիանտուրա։ Անպայման պետք է համատեղել ուսումն աշխատանքի հետ», – ասել է Ազարյանը։
Պուտինը նշել է, որ Պետերբուրգում իսկապես շատ հնարավորություններ կան, այդ ոլորտը զարգացած է։
«Խոսեք նրանց հետ, ովքեր կազմակերպել են մրցույթը, ես նույնպես կասեմ նրանց, որպեսզի օգնեն ձեզ», – նշել է Պուտինը։
Համաժողովը տեղի է ունենում մարտի 13-16–ը ՎԴՆԽ–ում։ Դրան մասնակցում է ավելի քան 6 հազար մարդ Ռուսաստանի 85 շրջաններից։ Մասնակիցները 35 տարբեր հարթակներում քննարկում են նախագծեր, որոնք մտնում են «Ռուսաստանը հնարավորությունների երկիր է» բաց պլատֆորմի մեջ։