ԵՐԵՎԱՆ, 8 մարտի — Sputnik. Ռուսաստանի ժողովրդական արտիստուհի Իրինա Ալեգրովան դարձել է «Երեկոյան Ուրգանտ» հեռուստաշոուի հյուրը։
Երգչուհին եթերի համար բավական վիճելի կերպար է ընտրել, ինչը չի վրիպել Ուրգանտի ուշադրությունից։
«Ուղղակի աղջնակ է և վերջ։ Ուղղակի տրիկոյով, մարզակոշիկներով և շապիկով», – ասել է Իվան Ուրգանտը։
Սակայն Ալեգրովային չի շփոթեցրել հաղորդավարի ընկերական խայթոցը։
«Արդեն հագել վերջ, Վանեչկա», – կատակել է ռուսական շանսոնի լեգենդը։
Վերջին տարիներին հայտնի երգչուհի Իրինա Ալեգրովան համերգներ գրեթե չի տալիս և չի այցելում աշխարհիկ միջոցառումների։ Երգչուհին նման ճգնավորական կյանքը բացատրում է ինքն իր համար ապրելու ցանկությամբ։ Եվ, ամեն դեպքում, նա երբեմն բացառություններ է անում։
«Ես անդորր և հանգիստ եմ ուզում… Իմ կյանքում դեֆիցիտ է ուղղակի մայր լինելը, քնել այն մտքով, որ վաղը շուտ արթնանալու, ինչ-որ տեղ գնալու կարիք չկա», – նշեց երգչուհին։
Հանդիսատեսը և երկրպագուներն ուրախ են եղել սիրելի երգչուհուն էկրաններին տեսնելու համար, սակայն շատերին դուր չի եկել Ալեգրովայի արտաքին տեսքը։ Instagram–ի օգտատերերը համապատասխան մեկնաբանություններ են թողել սոցցանցում երգչուհու լուսանկարի տակ։
«Ինչու է նա նման մարզակոշիկներ հագել, չի սազում», – գրել է katke.anna–ն։
Սակայն երկրպագուների մեծ մասը պատասխանել է լուսանկարի տակ կցված հարցին` Իրինա Ալեգրովայի ո՞ր երգն է ամենասիրելին։
«Ինչպես կարելի է Ալեգրովայի երգերից սիրելի երգ ընտրել։ Նրա բոլոր երգերը բարձրակարգ են։ Կարաոկեում միշտ երգում եմ «Угонщица», «Младший лейтенант», «Бабы-стервы»։ Իսկ տղայիս ծնվելուց հետո «Привет, Андрей», – նշել է voronina4625–ը։