ԵՐԵՎԱՆ, 7 մայիսի – Sputnik. Պերմում ԱԹՍ-ի հարձակման հետևանքով տուժել է հիվանդանոցի նյարդավիրաբուժության բաժանմունքը, ընդ որում՝ վիրաբույժները չեն ընդհատել վիրահատությունները: Այս մասին հայտնել է Պերմի երկրամասի մարզպետ Դմիտրի Մախոնինը։
«Ուզում եմ նշել բժիշկների աշխատանքը։ Դեպքի ժամանակ երկու վիրահատություն էր ընթանում։ Երկուսն էլ հաջողությամբ ավարտվել են: Այժմ աշխատանքը սովորական ռեժիմով է», - ասել է Մախոնինը «Max» հարթակի իր ալիքով հրապարակված տեսանյութում։
Այսօր երկրամասային կենտրոնը ենթարկվել է ուկրաինական անօդաչուների հարձակման։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողություն սկսելու որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Պուտինի խոսքով` նպատակը մեկն է` պաշտպանել նրանց, ովքեր 8 տարի շարունակ ծաղրի ու ցեղասպանության են ենթարկվել Կիևի ռեժիմի կողմից, և դրա համար նախատեսվում է իրականացնել Ուկրաինայի ապառազմականացում և ապազգայնականացում, դատի տալ բոլոր ռազմական հանցագործներին, որոնք պատասխանատու են Դոնբասի խաղաղ բնակիչների դեմ արյունալի հանցագործությունների համար: Արևմուտքի երկրներն ի պատասխան լայնածավալ պատժամիջոցներ են սահմանել Ռուսաստանի դեմ։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։