Ժամանակ առ ժամանակ սպասվում է կարճատև անձրև և ամպրոպ. եղանակի տեսություն

ԵՐԵՎԱՆ, 4 մայիսի – Sputnik. Հայաստանի Հանրապետության տարածքում մայիսի 4-7-ին, 8-ի ցերեկը առանձին շրջաններում ժամանակ առ ժամանակ սպասվում է կարճատև անձրև և ամպրոպ, տեղ-տեղ հնարավոր է կարկուտ: Տեղեկությունը հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։

Նշվում է, որ ամպրոպի ժամանակ սպասվում է նաև քամու ուժգնացում՝ 16-20 մ/վ արագությամբ։ Օդի ջերմաստիճանը մայիսի 4-ին կբարձրանա 2-4 աստիճանով, մայիսի 5-6-ին աստիճանաբար կնվազի՝ 4-6 աստիճանով։

Երևանում ևս մայիսի 4-7-ին գիշերը և կեսօրից հետո սպասվում է կարճատև անձրև և ամպրոպ, ամպրոպի ժամանակ սպասվում է նաև քամու ուժգնացում՝ 16-19մ/վ արագությամբ։ Մայիսի 8-ին սպասվում է առանց տեղումների եղանակ։

Մայրաքաղաքում այսօր ցերեկը կլինի 24–26 աստիճան տաքություն, իսկ երեկոյան ժամերին կգրանցվի +17...+19 աստիճան։