Սպիտակ տանը ունեցած ելույթի ժամանակ Մեծ Բրիտանիայի թագավոր Չարլզ III-ը կատակել է 1814 թվականին բրիտանացիների կողմից շենքը հրդեհելու թեմայով՝ այն անվանելով «դևելոփմենթի փոքր փորձ» և համեմատելով այն ԱՄՆ նախագահ Դոնալդ Թրամփի կողմից նախաձեռնված արևելյան հատվածի ներկայիս վերանորոգման հետ։
Վաշինգտոնի վրա բրիտանացիների հարձակումը 1812-1815 թվականների անգլո-ամերիկյան պատերազմի մի դրվագ է։ Այս իրադարձության հետևանքով բազմաթիվ կառավարական շենքեր են այրվել, այդ թվում՝ Սպիտակ տունը և Կապիտոլիումը։
«Այս առիթով, պարոն նախագահ, չեմ կարող չնկատել արևելյան թևի փոքր փոփոխությունները անցյալ տարի Վինձորի ամրոց ձեր այցելությունից հետո։ Եվ, ցավոք, մենք՝ բրիտանացիներս, իհարկե, ևս Սպիտակ տան վերակառուցման փոքր փորձ ենք արել 1814 թվականին», – հայտարարել է միապետը՝ դահլիճում հավաքվածների ծիծաղի ներքո։
Ապրիլի 27-ին Չարլզ III-ը ԱՄՆ է ժամանել պաշտոնական այցով։ Ապրիլի 28-ին թագավորը ելույթ է ունեցել Կոնգրեսում։ Սա Բրիտանիայի թագավորական ընտանիքի անդամի առաջին ելույթն էր Կոնգրեսի երկու պալատների առաջ 1991 թվականից ի վեր։
Հիշեցնենք, որ ԱՄՆ նախագահը ավելի վաղ բազմիցս ասել է, որ Սպիտակ տան տարածքը չի բավականացնում մեծ միջոցառումներ անցկացնելու համար։ Նա հայտարարել էր, որ 200 մլն դոլար արժողությամբ պարահանդեսային դահլիճ է կառուցվելու։