Քաղաքացու օրը Երևանի կենտրոնում սկսվեց «խորոված փարթի»–ով, որին մասնակցելու համար Ամիրյան փողոց էին եկել գործող իշխանության ներկայացուցիչները։
Մարդիկ ուտում–խմում էին, լուսանկարվում, ոմանք գրկախառնվում էին ՀՀ վարչապետ Նիկոլ Փաշինյանի հետ, որը իշխող «Քաղաքացիական պայմանագիր» կուսակցության նախընտրական խորհրդանիշներն էր բաժանում քաղաքացիներին։
Ժամը 20։00-ին Հանրապետության հրապարակում «Խաղաղության ձայնը» անվանումով համերգ է սկսվելու։ Ելույթ են ունենալու Իվետա Մուկուչյանը, Outlandish–ը, In-Grid–ը, Willy William–ը , Imany–ն, «Վարչաբենդ» երաժշտական խումբը, որում հանդես է գալիս նաև Փաշինյանը։
ՀՀ գործող իշխանությունը թերևս առաջին անգամ է նման մեծ շուքով նշում իր իսկ հիմնած տոնը։