Իրանի զինվորականները երեկ 2 նավ են կալանել, որոնք փորձել են առանց թույլտվության անցնել Հորմուզի նեղուցով։
«ԻՀՊԿ-ի ռազմածովային ուժերը կալանել և Իրանի ափ են ուղեկցել 2 նավ՝ MSC-FRANCESCA-ն (իսրայելական ռեժիմի հետ կապված) և EPAMINODES-ը, որոնք, թույլտվություն չստանալով, խախտել են նավագնացության անվտանգությունը», – գրում է «Tasnim»-ը՝ հղում անելով Իրանի ԻՀՊԿ-ի հայտարարությանը։
Իրանական զինվորականները նշել են, որ Հորմուզի նեղուցի կարգուկանոնն ու անվտանգությունը խախտելը կարմիր գծեր են Թեհրանի համար։
Հիշեցնենք` ԱՄՆ ԶՈւ կենտրոնական հրամանատարությունը (CENTCOM) ապրիլի 20-ին հայտնեց, որ Օմանի ծոցում ԱՄՆ-ի շրջափակումը ճեղքելու փորձ կատարող իրանական առևտրային նավ է կալանվել։ Իրանի ԱԳՆ–ն դա որակեց որպես հարձակում և հրադադարի խախտում, իսկ ԻԻՀ–ի զինվորականները խոստացան` պատասխանը չի ուշանա։