ԵԱՏՄ–ից մինչև զբոսաշրջություն. ՀՀ–ն և Ղրղզստանը պայմանավորվել են խորացնել գործակցությունը

ԵՐԵՎԱՆ, 22 ապրիլի – Sputnik. Ղրղզստանի և Հայաստանի նախագահներ Սադիր Ժապարովը և Վահագն Խաչատուրյանը Աստանայում քննարկել են երկկողմ համագործակցության զարգացումն ու միջազգային հարթակներում փոխգործակցությունը։ Այս մասին հայտնում է Ղրղզստանի առաջնորդի մամուլի ծառայությունից։

Կողմերը քննարկել են Ղրղզստանի և Հայաստանի հարաբերությունների ներկա վիճակն ու հեռանկարները, այդ թվում՝ ԵԱՏՄ, ՀԱՊԿ և ՄԱԿ շրջանակներում համակարգումը։ Վերահաստատվել է քաղաքական երկխոսության խորացման և առևտրատնտեսական կապերի ընդլայնման հանձնառությունը։

Հատուկ ուշադրություն է դարձվել օրակարգի գործնական կողմերին, այդ թվում՝ առևտրի, ներդրումների, տրանսպորտի, թվայնացման և զբոսաշրջության ոլորտների համատեղ նախագծերին։

Հանդիպման ընթացքում Ժապարովը հայկական կողմին հրավիրել է մասնակցելու Քոչվորների համաշխարհային VI խաղերին, որոնք կանցկացվեն Ղրղզստանում 2026 թվականի օգոստոսի 31-ից սեպտեմբերի 6-ը։

Բանակցություններից հետո կողմերը հաստատել են հետագա հարաբերությունները ամրապնդելու պատրաստակամությունը։