Իրանից Հայաստան ներմուծվող որոշ ապրանքների համար սակագնային քվոտա կկիրառվի

ԵՐԵՎԱՆ, 9 ապրիլի – Sputnik. Իրանից Հայաստան ներմուծվող իրանական ծագում ունեցող առանձին ապրանքատեսակների, մասնավորապես` լոլիկի, վարունգի, խնձորի և նմանատիպ այլ ապրանքների մասով 2026 թ. ընթացքում կգործի սակագնային քվոտա։ Համապատասխան որոշումն ընդունվեց ՀՀ կառավարության այսօրվա նիստի ժամանակ։

Որոշման ընդունման համար հիմք է հանդիսացել Եվրասիական տնտեսական հանձնաժողովի` 2025 թ. նոյեմբերի 26–ին ընդունված որոշումը, որն ուղղված է ապահովելու 2026 թվականին ԵԱՏՄ–ի և Իրանի միջև ազատ առևտրի մասին համաձայնագրի կիրարկումը։