Վազգեն Սաղաթելյանի նկատմամբ դատարանը սահմանեց տնային կալանք խափանման միջոցը

ԵՐԵՎԱՆ, 2 ապրիլի – Sputnik. «Իմնեմնիմի» հաղորդաշարի համահեղինակ Վազգեն Սաղաթելյանի նկատմամբ դատարանը սահմանեց տնային կալանք խափանման միջոց՝ 2 ամիս ժամկետով: Նշենք, որ դատական հերթական նիստը Երևան քաղաքի քրեական դատարանի Ավանի նստավայրում էր` դատավոր Մանվել Շահվերդյանի նախագահությամբ։

Նշենք, որ Սաղաթելյանը կալանքի տակ է շուրջ 6 ամիս։ Իսկ «Իմնեմնիմի» հաղորդաշարի մյուս համահեղինակ Նարեկ Սամսոնյանի խափանման միջոց տնային կալանքը մարտի 24–ին փոխարինվեց վարչական հսկողությամբ:

Հիշեցնենք` դիմակավորված ուժայինները 2025–ի նոյեմբերի 13-ի առավոտյան ներխուժեցին «Իմնեմնիմի» հաղորդաշարի հեղինակներ Նարեկ Սամսոնյանի և Վազգեն Սաղաթելյանի տներ և ձերբակալեցին նրանց։ Դրանից հետո «Անտիֆեյքի» գրասենյակում խուզարկություններ իրականացվեցին, առգրավվեց ամբողջ տեխնիկան։

Նարեկ Սամսոնյանի և Վազգեն Սաղաթելյանի դեմ քրեական վարույթ է նախաձեռնվել ՀՀ ԱԺ նախագահ Ալեն Սիմոնյանի վիրավորանքին արձագանքելու համար։ Նրանք մեղադրվում են «Խուլիգանություն՝ հաղորդակցման միջոցների օգտագործմամբ» հոդվածի հատկանիշներով։ Ավելի ուշ Սամսոնյանն ու Սաղաթելյանը կալանավորվեցին։