ԵՐԵՎԱՆ, 29 մարտի - Sputnik. Կոտայքի մարզի Գողթ բնակավայրում «Hyundai Kona» մակնիշի ավտոմեքենան վրաերթի է ենթարկել 49–ամյա կնոջ ու նրա 8–ամյա դստերը։ Հայտնում է shamshyan.com-ը։
Պատահարը տեղի է ունեցել այսօր ժամը 14-ի սահմաններում։
Նշվում է, որ վարորդը փախուստի չի դիմել ու ահազանգել է շտապօգնություն։
«Տուժածներից մեկին տեղափոխել են «Սուրբ Գրիգոր Լուսավորիչ» բժշկական կենտրոն, իսկ մյուսին` քաղաքացիների օգնությամբ տեղափոխել են «Ուիգմոր» հիվանդանոց»,– նշվում է կայքում։
Վթարի փաստով նախաձեռնվել է քրեական վարույթ, որտեղ էլ պարզվում են վարորդի և վիրավորների ինքնությունները։ Վարորդը ենթարկվել է սթափության փորձաքննության, նա եղել է սթափ։