«Յարխուշտան» Հայաստանի ֆուտբոլի ազգային հավաքականի հիմնը կդառնա, տեղեկացնում է ՀՖՖ-ն։
«Հայկական ոգին, ուժն ու հաղթանակի խորհրդանիշը՝ «Յարխուշտան», այսուհետ կհնչի որպես Հայաստանի ֆուտբոլի ազգային հավաքականի պաշտոնական հիմն»,-նշված է հաղորդագրության մեջ։
Նշվում է, որ այն կհնչի Հայաստանի պետական սիմֆոնիկ նվագախմբի կատարմամբ։
«Յարխուշտան» հայկական ժողովրդական մարտական պար է, որը կատարում են տղամարդիկ։ Այն ավանդաբար պարել են հայ զինվորները կռվից առաջ՝ մասամբ ծիսական, մասամբ նաև մարտական ոգին բարձրացնելու նպատակով: