ԵՐԵՎԱՆ, 19 մարտի – Sputnik. ՀՀ կառավարությունը 2023 թվականին հստակ ծրագիր էր առաջարկել Լեռնային Ղարաբաղին, որը մերժվել է ԼՂ նոր իշխանությունների կողմից։ ՀՀ կառավարության նիստից հետո ճեպազրույցի ժամանակ այս հայտարարությունն արեց վարչապետ Նիկոլ Փաշինյանը։
«Լեռնային Ղարաբաղը միշտ եղել է Ադրբեջանի կազմում, և ԼՂ–ն Հայաստանը միշտ ճանաչել է Ադրբեջանի կազմում, ուղղակի դա թաքցվել է»,– ասաց նա` ավելացնելով, որ կադաստրի կոմիտեի նախագահի հետ իր վերջին զրույցի ընթացքում նա զեկուցել է, որ 2000–ականների կեսերին ՀՀ կառավարությունը տարհանման ծրագիր է մշակել, ըստ որի` ՀՀ ներկայիս սահմաններից այն կողմ հատվածը մեծ տառերով նշված է Ադրբեջան։
Ըստ նրա` այսպիսով ՀՀ և ԼՂ ժողովուրդներից թաքցվել է իրականությունը։
«Ինչո՞ւ է թաքցվել իրողությունը, ինչո՞ւ է թաքցվել 1996 թ. Լիսաբոնի գագաթնաժողովի իրողությունը։ Հիմա էլ փաստաթղթերն ամբողջովին հրապարակված են, ինչո՞ւ աղմուկ–աղաղակ չկա այդ փաստաթղթերի վերաբերյալ…Չկա, քանի որ ամբողջովին հրապարակված են դրանք։ Այդ ճշմարտությունը, սակայն, ունի զարգանալու տեղ…Այդ պատմությունը ՀՀ անկախ պետությունը թույլ չտալն է։ Այդ պրոցեսը ղեկավարել են Լևոն Տեր–Պետրոսյանը, Ռոբերտ Քոչարյանը, Սերժ Սարգսյանը, հիմա էլ նրանց հարակից ռուսաստանա–բելառուսական օլիգարխներին են բերել»,– ասաց նա։
Հիշեցնենք` ՀՀ կառավարությունը նոյեմբերի 2-ին հրապարակեց Ղարաբաղյան հակամարտության կարգավորման բանակցային գործընթացին առնչվող մի շարք փաստաթղթեր և նամակներ, այդ թվում` 2011 թվականին Կազանում քննարկված փաստաթուղթը, միջնորդների` 2019 թվականին ներկայացված առաջարկները, Սերժ Սարգսյանի նամակը և այլն։