ԵՐԵՎԱՆ, 18 մարտի – Sputnik. Հայաստանում արտադրողները տարաների և փաթեթավորման համար պլաստիկի պակաս չեն զգում Իրանից հումքի մատակարարման հետ կապված հնարավոր խնդիրների պատճառով։ Այս մասին են վկայում Sputnik Արմենիայի անցկացված հարցումները։
«Ներկայիս իրավիճակը հաշվի առնելով՝ մեզ մոտ ոչինչ չի փոխվի։ Մենք հումքի նոր մատակարարներ ենք գտել, որոնց օգնությամբ կարող ենք լրացնել հնարավոր բացը», – Sputnik Արմենիային ասաց պլաստիկ տարաներ արտադրող «Oval Pack» ընկերության հիմնադիր և տնօրեն Վարուժան Խալաթյանը (ընկերությունը սպասարկում է նաև կաթնամթերք և ոչ ալկոհոլային ըմպելիքներ արտադրողներին)։
Հանրապետության թռչնաբուծական ֆերմաների ներկայացուցիչները նույնպես նշել են, որ պոլիէթիլենային փաթեթավորման պակաս չեն զգում։
«Խոսակցություններ կան գների բարձրացման մասին, բայց մատակարարման հետ կապված իրական խնդիրներ դեռ չկան», – հայտարարեց Սպիտակի թռչնաբուծական ֆերմայի տնօրեն Վահագն Գևորգյանը։
Արագածոտնի մարզի (Օշական գյուղ) «Շիրար» թռչնաբուծական ֆաբրիկայի ղեկավար Գարեգին Մակարյանի խոսքով՝ ընկերությունը պոլիէթիլենի մատակարարման հետ կապված որևէ խնդիր չունի և դրանց գնաճի չի բախվել։
Նշենք, որ 2025 թվականի տվյալներով՝ Հայաստան չմշակված պլաստիկի ներմուծման մոտ 60%-ը (տարաների և այլ ապրանքների արտադրության համար) բաժին է հասնում հենց Իրանին: