ԵՐԵՎԱՆ, 16 մարտի – Sputnik. Թեոդոսիայի բնակիչ է ձերբակալվել Ուկրաինային ՌԴ ռազմական տեխնիկայի վերաբերյալ լուսանկարներ տրամադրելու համար։ Այս մասին հայտնել է ՌԴ ԱԴԾ–ն։
«ՌԴ ԱԴԾ–ն ուկրաինական հատուկ ծառայությունների գործակալի է ձերբակալել, որը տեղեկություն էր հավաքում Ղրիմի թերակղզում տարածքում ՌԴ զինված ուժերի օբյեկտների մասին», – ասվում է հաղորդագրության մեջ։
Ձերբակալված Թեոդոսիայի բնակիչը Կիևին տվյալներ էր փոխանցում Ղրիմում գտնվող ՀՕՊ տեխնիկայի մասին, որոնք օգտագործվում էին հարվածները համակարգելու համար։
«Ղրիմի Հանրապետության Թեոդոսիա քաղաքի 45-ամյա բնակիչը Telegram-ի միջոցով ուկրաինական կողմին ինքնակամ փոխանցում էր լուսանկարներ, որոնք տվյալներ էին պարունակում օդային տարածքի պարեկության մեջ ներգրավված և կարևորագույն վառելիքաէներգետիկ համալիրի ենթակառուցվածքների օբյեկտների օդային պաշտպանությունն ապահովող ռազմական տեխնիկայի մասին։ Ստացված տեղեկատվությունը թշնամին օգտագործել է ՌԴ ԶՈւ դիրքերին հասցվող հրետանային և հրթիռառումբային հարվածները ուղղորդելու համար», – ասվում է հաղորդագրության մեջ։
Ղրիմի Հանրապետության և Սևաստոպոլ քաղաքի գծով ՌԴ ԱԴԾ վարչության քննչական բաժինը ձերբակալվածի նկատմամբ քրեական գործ է հարուցել ՌԴ ՔՕ 275-րդ հոդվածի (պետական դավաճանություն) հատկանիշներով: Գործով անցնող անձի նկատմամբ խափանման միջոց է ընտրվել կալանքը։