ԵՐԵՎԱՆ, 16 մարտի – Sputnik. Իրանը կշարունակի կռվել այնքան ժամանակ, մինչև ԱՄՆ նախագահ Դոնալդ Թրամփը չգիտակցի, որ Իրան-ԱՄՆ հակամարտությունը սխալ է և երբեք չպետք է կրկնվի։ Այս հայտարարությունն արել է Իրանի արտգործնախարար Աբբաս Արաղչին։
«Մեր հզոր զինված ուժերը կշարունակեն կրակել, մինչև ԱՄՆ նախագահը չգիտակցի, որ և՛ իրանցիներին, և՛ ամերիկացիներին պարտադրած անօրինական պատերազմը սխալ է և երբեք չպետք է կրկնվի։ Տուժածներին նաև պետք է փոխհատուցում վճարվի», – գրել է Արաղչին X սոցցանցում։
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Երկրում 40-օրյա սուգ է հայտարարվել: Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին: