ԵՐԵՎԱՆ, 9 մարտի - Sputnik. Իսրայելի պաշտպանության բանակը (ՑԱԽԱԼ) հարվածել է Իսլամական հեղափոխության պահապանների կորպուսի (ԻՀՊԿ) կենտրոնին, որտեղից կառավարվում էր անօդաչու թռչող սարքերի արձակումը: Այս մասին ասված է իսրայելական բանակի հայտարարության մեջ:
«Իսրայելի ռազմաօդային ուժերը, գործելով ՑԱԽԱԼ-ի հետախուզական տվյալների հիման վրա, ավարտել են հարվածների հերթական ալիքը... Այդ հարվածների շրջանակում խոցվել է ԻՀՊԿ-ի այն կենտրոնը, որտեղից անօդաչու թռչող սարքեր էին արձակվում Իսրայել պետության ուղղությամբ»,-ասված է հայտարարության մեջ:
Հիշեցնենք` ԱՄՆ-ն և Իսրայելը փետրվարի 28-ի առավոտյան սկսեցին հարվածներ հասցրել Իրանին։ Սպանվեցին երկրի գերագույն հոգևոր առաջնորդ այաթոլլա Ալի Խամենեին, Իրանի զինված ուժերի գլխավոր շտաբի պետ Աբդուլռահիմ Մուսավին, պաշտպանության նախարար Ազիզ Նասիրզադեն, Իսլամական հեղափոխության պահապանների կորպուսի (ԻՀՊԿ) հրամանատար Մոհամմադ Պակպուրը և պաշտպանության խորհրդի քարտուղար Ալի Շամխանին: Երկրում 40-օրյա սուգ է հայտարարվել: Իրանը պատասխան հրթիռային հարվածներ է հասցնում Իսրայելի տարածքին, ինչպես նաև Մերձավոր Արևելքում գտնվող ամերիկյան ռազմական օբյեկտներին:
Ռուսաստանը հայտարարել է, որ Վաշինգտոնի և Թել Ավիվի գործողությունները ոչ մի կապ չունեն միջուկային զենքի չտարածման ռեժիմի պահպանման հետ, և պահանջել է վերադառնալ բանակցություններին: ՌԴ արտգործնախարար Սերգեյ Լավրովն ընդգծել է, որ Մոսկվան պատրաստ է աջակցել կարգավորմանը, այդ թվում ՝ ՄԱԿ-ի անվտանգության խորհրդում: