Զապորոժիեի մարզում ՌԴ քաղաքացի է ձերբակալվել, որը Ուկրաինայի հատուկ ծառայություններին տեղեկություններ է փոխանցել ՌԴ ԶՈւ զինվորականների և տեխնիկայի տեղակայման ու տեղաշարժերի մասին։ Տեղեկությունը հայտնում է ՌԴ անվտանգության դաշնային ծառայությունը։
«Զապորոժիեի մարզի տարածքում պետական դավաճանության և լրտեսության կասկածանքով կանխվել է 1994 թվականին ծնված քաղաքացու ապօրինի գործունեությունը»,– ասվում է հաղորդագրության մեջ։
Զապորոժիեի մարզի Պրիազովսկի շրջանի բնակիչը «Signal» մեսենջերի միջոցով կապ է հաստատել Ուկրաինայի անվտանգության ծառայության ներկայացուցչի հետ և նրան տեղեկություններ փոխանցել հետագա հրթիռառումբային հարվածների համար։
Տղամարդն արդեն կալանավորված է։