ԵՐԵՎԱՆ, 22 փետրվարի — Sputnik. Ավելի քան 200 ուկրաինական անօդաչու թռչող սարք անցած օրվա ընթացքում հարձակվել է Բելգորոդի մարզի 16 մունիցիպալիտետների վրա, 9 մարդ դիմել է բժշկական օգնության, հայտնել է մարզպետ Վյաչեսլավ Գլադկովը:
Մարզպետի տվյալներով՝ անցած օրվա ընթացքում 55 բնակավայր հայտնվել է Ուկրաինայի կողմից հարվածի տակ։ Արձակվել է 12 արկ և արձանագրվել է 203 անօդաչու թռչող սարքի հարձակում, որոնցից 121-ը խոցվել են: Հաշվետու ժամանակահատվածում տարբեր վնասներ են հայտնաբերվել չորս բազմաբնակարան շենքերում, 12 առանձնատներում, երեք ենթակառուցվածքային օբյեկտներում, չորս առևտրային օբյեկտներում և 42 տրանսպորտային միջոցներում:
«Բելգորոդի շրջանում երկու հրթիռակոծության ընթացքում արձակվել է 2 զինամթերք և 31 անօդաչու թռչող սարք իրականացրել է հարձակում, որոնցից 27-ը խոցվել և չեզոքացվել են... Կրասնոյարուժսկի շրջանում Կրասնայա Յարուգա ավանի, Վյազովոյե, Գրաֆովկա, Իլեկ-Պենկովկա, Կոլոտիլովկա, Սերգիևկա, Ստարոսելյե, Տերեբրենո գյուղերի և Վիսոկի խուտորի վրա հարձակկվել է 45 անօդաչու թռչող սարք, որոնցից 16-ը ճնշվել և խոցվել են», - գրել է Գլադկովը իր Telegram ալիքում:
Նա հավելել է, որ Բորիսովսկի և Վոլոկոնովսկի շրջանների վրա գրոհել են20 դրոններով, որոնցից 12-ը խոցվել և ճնշվել են, վիրավորվել են երկու տղամարդ և երեք տարեկան մի աղջիկ, բացի այդ, շաբաթ օրը հիվանդանոց է դիմել մի տղամարդ, որը տուժել է փետրվարի 20-ին Բերեզովկա գյուղում դրոնի պայթեցման հետևանքով: Մարզպետի խոսքով՝ Գրայվորոնսկի շրջանի վրա արձակվել է 11 զինամթերք և հարձակվել է 32 անօդաչու թռչող սարք, որոնցից 6-ը խոցվել են, տուժել է երեք խաղաղ բնակիչ, Վալույսկի շրջանի վրա խոցվել և ճնշվել է 20 անօդաչու թռչող սարք, բուժօգնություն է խնդրել «Օռլանի» մարտիկը, որը բարոտրավմա է ստացել փետրվարի 20-ին:
Կորոտանսկի և Ռակիտյանսկի շրջանների վրա հարձակվել է 4 անօդաչու թռչող սարք, որոնցից մեկը խոցվել է, Բելգորոդի, Իվնյանսկի, Կրասնոգվարդեյսկի, Պրոխորովսկի, Ստարոսկոլսկի, Չեռնյանսկի և Յակովլևսկի շրջանների վրա խոցվել է 21 ԱԹՍ:
«Շեբեկինսկի շրջանի վրա հարձակվել է 30 ԱԹՍ, որոնցից 18-ը ճնշվել և խոցվել են։ Երեկ բժշկական օգնության է դիմել մի տղամարդ, որը տուժել է փետրվարի 20-ին Նովայա Տավոլժանկա գյուղում դրոնի պայթեցման հետևանքով», - հայտարարել է Գլադկովը։
Բելգորոդի մարզում 2022 թվականի ապրիլի 11-ից գործում է ահաբեկչական վտանգի բարձր (դեղին) մակարդակ՝ կապված Ուկրաինայի հետ սահմանին տիրող իրավիճակի հետ։ 2024 թվականի օգոստոսի 9-ից տարածաշրջանում սահմանվել է հակաահաբեկչական գործողության ռեժիմ, իսկ օգոստոսի 15-ից իրադրությունը տարածաշրջանում ճանաչվել է դաշնային բնույթի արտակարգ իրավիճակ: