ԵՐԵՎԱՆ, 19 փետրվարի – Sputnik. Հարավային Կորեայի դատարանը նախկին նախագահ Յուն Սոկ Յոլին մեղավոր է ճանաչել 2024 թվականի դեկտեմբերին երկրում ռազմական դրություն հայտարարելու հետ կապված ապստամբությունը ղեկավարելու համար։ Այս մասին հայտնում է ՌԻԱ Նովոստին։
Յուն Սոկ Յոլը մեղադրվում էր նախկին պաշտպանության նախարարի և այլոց հետ Սահմանադրությունը տապալելու նպատակով անկարգություններ կազմակերպելու համար՝ պատերազմի կամ համարժեք արտակարգ դրության բացակայության դեպքում անօրինական կերպով ռազմական դրություն հայտարարելու միջոցով։
«Յուն Սոկ Յոլը նկատմամբ ապստամբությունը ղեկավարելու մեղադրանքը հիմնավորված է ճանաչվել», – որոշել է դատարանը։
2024 թվականի դեկտեմբերի 3-ին Յուն Սոկ Յոլը երկրում ռազմական դրություն է հայտարարել ՝ զորքեր և ոստիկանություն մոբիլիզացնելով։ Նրանք շրջապատել են Ազգային ժողովի շենքը և թույլ չեն տվել օրենսդիրներին մուտք գործել այնտեղ։
Քննության վարկածի համաձայն՝ նա նաև հրամայել է ձերբակալել Ազգային ժողովի խոսնակին և իշխող ու հիմնական ընդդիմադիր կուսակցությունների առաջնորդներին։
Պատգամավորները քաղաքացիական բողոք են բարձրացրել` ճեղքելով պատնեշն ու հավաքվելով արտակարգ լիագումար նիստի, որի ընթացքում քվեարկել են ռազմական դրությունը չեղարկելու օգտին՝ դրա սահմանումից ընդամենը մի քանի ժամ անց։
Նախագահն ի պատասխան համաձայնել է չեղարկել այն, որից հետո խորհրդարանը քվեարկել է նրան իմպիչմենտի ենթարկելու օգտին։