Ժնևի «InterContinental» վերսկսվել են Ռուսաստանի, ԱՄՆ-ի և Ուկրաինայի եռակողմ բանակցությունները։ Տեղեկությունը հայտնում է ՌԻԱ Նովոստին։
«Հանդիպումներն անցկացվում են փակ դռների հետևում», - ասել է գործակալության աղբյուրը։
Հիշեցնենք` Ուկրաինայի հարցով բանակցությունները մեկնարկել են փետրվարի 18-ին։ Ռուսական պատվիրակությունը գլխավորում է ՌԴ նախագահի օգնական Վլադիմիր Մեդինսկին։ Հանդիպմանը մասնակցում են նաև ԱՄՆ նախագահի հատուկ բանագնաց Սթիվ Ուիտկոֆը և ԱՄՆ նախագահի փեսա Ջարեդ Քուշները: