ԵՐԵՎԱՆ, 3 փետրվարի – Sputnik. Այսօր առավոտյան Թեհրանում խոշոր հրդեհ է բռնկվել։ Irna գործակալության տեղեկություններով՝ այրվում է տեղի Ջաննաթ Աբադ շուկան։
Կադրերում երևում է, որ կրակը տարածվել է շուկայի մեծ մասի վրա։ Տեղում հրշեջներ են աշխատում։
Հրդեհի առաջացման պատճառները չեն նշվում։
Հիշեցնենք` անցյալ շաբաթ Իրանի մի քանի քաղաքներում մի շարք պայթյուններ էին որոտացել։ Պայթյուն էր տեղի ունեցել, մասնավորապես, Բանդար Աբբասի բնակելի շենքում, որտեղ մեկ մարդ զոհվել էր, 14-ը՝ վիրավորվել։ Պայթյուններ էին տեղի ունեցել նաև Ահվազում, Կասրե-է-Շիրինում, Աբադանում և Փարանդայում։ Բոլոր այս քաղաքներում ռազմաբազաներ և ռազմավարական այլ օբյեկտներ են տեղակայված։
Նշենք, որ արտակարգ իրավիճակների մասին այս հաղորդագրությունները ստացվում են ԱՄՆ նախագահ Դոնալդ Թրամփի կողմից Իրանին հարվածելու սպառնալիքների ֆոնին։ Ավելի վաղ Թրամփը հայտարարել էր, որ «հսկայական նավատորմ» է շարժվում դեպի Իրան՝ հույս հայտնելով, որ Թեհրանը կհամաձայնի վերադառնալ բանակցությունների սեղանի շուրջ և կնքել, իր խոսքով, «արդար և իրավահավասար» գործարք, որը ենթադրում է միջուկային զենքից լիակատար հրաժարում:
ԱՄՆ առաջնորդը նաև հիշեցրել էր 2025 թվականի հունիսին Իրանի միջուկային օբյեկտներին «Կեսգիշերային մուրճ» (Midnight Hammer) գործողության շրջանակում իրականացրած հարվածները՝ հայտարարելով, որ «հաջորդ հարձակումը կլինի ավելի կոշտ» և կոչ արել «չհասցնել դրան»: