Այսօր կեսօրին Քաբուլի կենտրոնում հզոր պայթյուն է որոտացել Շահր-ե Նաու շրջանում, որտեղ առևտրի կենտրոններ, խանութներ և հյուրանոցներ կան։ Տեղեկությունը հայտնում է «Al-Arabiya»-ն:
Համացանցում տարածված տեսանյութերում երևում է, թե ինչպես են ոմանք պառկած գետնին, մյուսները խուճապահար փախչում են պատահարի վայրից։
Աֆղանստանի ՆԳՆ մամուլի քարտուղար Աբդուլա Մատինա Կանին հայտնել է, որ, ըստ նախնական տվյալների, միջադեպի հետևանքով կան զոհեր և վիրավորներ։ Նա խոստացել է հստակ տեղեկություններ տրամադրել ավելի ուշ:
Պայթյունի պատճառը դեռ հայտնի չէ։