ԵՐԵՎԱՆ, 19 հունվարի – Sputnik. Կաշառք ստանալու պահին ձերբակալվել են ՀՀ պետական եկամուտների կոմիտեի 2 գլխավոր օպերլիազորներ։ Տեղեկությունը Sputnik Արմենիային հայտնեցին ՀՀ հակակոռուպցիոն կոմիտեից։
«ՀՀ հակակոռուպցիոն կոմիտեի իրականացրած օպերատիվ-հետախուզական միջոցառումների և գաղտնի քննչական գործողությունների արդյունքում ձերբակալվել են ՀՀ պետական եկամուտների կոմիտեի երկու գլխավոր օպերլիազորներ»,- տեղեկացրին կոմիտեից` նշելով, որ օպերլիազորները ձերբակալվել են հանցավոր արարք կատարելուց անմիջապես հետո։
Նրանք մեղադրվում են տնտեսվարողի օգտին ապօրինի գործողության դիմաց նրանից առանձնապես խոշոր չափերի՝ 9 միլիոն դրամ կաշառք ստանալու մեջ։