ԵՐԵՎԱՆ, 17 հունվարի — Sputnik. Եվրասիական տնտեսական հանձնաժողովի (ԵԱՏՄ գործադիր մարմնի) խորհուրդը թարմացրել է միության երկրներում դեղերի ծագումը որոշելու կանոնները: Այս մասին հայտնում է ԵՏՀ տելեգրամյան ալիքը։
Որոշելու համար` դեղերը կամ բժշկական ապրանքները ԵԱՏՄ երկրներում են արտադրված, թե նրա սահմաններից դուրս, դրանց արտադրության տեղայնացումը հաշվարկվում է բալային համակարգով։ Նոր պահանջները փուլ առ փուլ ուժի մեջ կմտնեն մինչև 2029 թվականը։
Նոր որոշման համաձայն՝ դեղերի համար շեմը մնում է 50 միավոր, սակայն որոշ բժշկական սարքավորումների համար այն տարբեր աստիճաններով բարձրացվել է (70-ից մինչև 350 միավոր): Նոր պահանջները փուլ առ փուլ կներդրվեն մինչև 2029-ը:
Նշենք, որ ԵԱՏՄ բժշկական արտադրատեսակների միասնական շուկայի ձևավորման շրջանակում, ըստ 2025-ի օգոստոսի 1-ի տվյալների, դեղագործական տեսչական մարմինների դիտարկման փուլում եղել է ավելի քան 37 հազար դիմում, որոնցից 12,5 տոկոսը՝ նոր դեղամիջոցների գրանցման, մնացածը՝ գործող դեղերի վերագրանցման համար։
Նշենք, որ վերջին տարիներին Հայաստանից դեղերի արտահանման ծավալը հասնում է տարեկան շուրջ 20 մլն դոլարի (2025-ին եղել է 18,9 մլն դոլար)։