ԵՐԵՎԱՆ, 13 հունվարի – Sputnik. Եվրասիական տնտեսական հանձնաժողովի (ԵՏՀ) կոլեգիան ֆոսֆատների որոշ տեսակների համար ներմուծման զրոյական մաքսատուրքի դրույքաչափը երկարաձգել է ևս երկու տարով՝ մինչև 2028 թվականի փետրվարի 29-ը։
«Ներմուծման զրոյական մաքսատուրքի դրույքաչափի կիրառումը կապահովի հանքային պարարտանյութեր արտադրողների հզորությունների լիարժեք գործարկումը Եվրասիական տնտեսական միությունում ֆոսֆատի սահմանափակ արտադրության պայմաններում», – հաղորդագրության մեջ մեջբերվում է ԵՏՀ մաքսային, սակագնային և ոչ սակագնային կարգավորման վարչության տնօրեն Վահագն Ղազարյանի խոսքը։
Մամուլի ծառայությունից պարզաբանել են, որ որոշումն ուժի մեջ կմտնի պաշտոնական հրապարակումից 30 օրացուցային օր հետո։
ԵԱՏՄ երկրներ ֆոսֆատների ներմուծման զրոյական մաքսատուրքի դրույքաչափն արդեն գործում էր 2024 թվականի հունվարի 5-ից մինչև 2026 թվականի հունվարի 4-ը։