ԵՐԵՎԱՆ, 5 հունվարի - Sputnik. 2026 թվականին Հայաստանից Իրան էլեկտրաէներգիայի արտահանումը նախատեսված է մոտ 2025 թվականի չափով։ Այս մասին Sputnik Արմենիային հայտնեց Երևանի ՋԷԿ-ի գլխավոր տնօրեն Գևորգ Պողոսյանը։
Բացարձակ թվերով 2026 թվականին արտահանումը նախատեսվում է 1 մլրդ 570 մլն կվտ/ժ-ից մի փոքր ավելի։ Համեմատության համար նշենք, որ Հայաստանում 2026 թվականին նախատեսվում է արտադրել 8 750 մլրդ կվտ/ժ-ից մի փոքր քիչ էներգիա։
«Երևանի ՋԷԿ» պետական ձեռնարկությունը միակ սուբյեկտն է, որն Հայաստանից Իրան էլեկտրաէներգիա է արտահանում։ «Էլեկտրաէներգիա գազի դիմաց» սխեմայով Հայաստանը Իրան արտահանում է այնտեղից ստացված յուրաքանչյուր 1 խմ գազի դիմաց 3 կվտ/ժ էներգիա։ Իրանական գազն օգտագործվում է միայն ջերմային էլեկտրակայանների շահագործման համար և չի մատակարարվում մնացած սպառողներին: Փաստացի 1 խմ գազից արտադրվում է 4-4.5 կՎտ/ժ, որի ավելցուկը մնում է Հայաստանի էներգահամակարգում։ Արտահանվող էներգիայի մատակարարումներին մասնակցում են նաև այլ ջերմային կայաններ, սակայն արտահանումն իրականացվում է Երևանի ՋԷԿ-ի անվամբ։
Այս տարի նույնպես ՋԷԿ-ում զգալի վերանորոգման աշխատանքներ են նախատեսված։ Վերանորոգվելու է նաև գազատուրբինը, որն ապահովում է էլեկտրաէներգիայի արտադրության մեծ մասը (կայանում գործում է մի շոգետուրբին ևս): Աշխատանքներն իրականացվելու են կայանի սեփական միջոցներով՝ առանց պետբյուջեի միջոցների: