Առանձին շրջաններում սպասվում է քամու ուժգնացում. եղանակի տեսություն

ԵՐԵՎԱՆ, 22 դեկտեմբերի – Sputnik. Հայաստանի Հանրապետության տարածքում դեկտեմբերի 22-26-ին սպասվում է առանց տեղումների եղանակ։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։

Նշվում է, որ դեկտեմբերի 22-ին, 23-ի գիշերն առանձին շրջաններում սպասվում է քամու ուժգնացում՝ 12-15 մ/վ արագությամբ։ Օդի ջերմաստիճանն էապես չի փոխվի։

Երևան քաղաքում ևս դեկտեմբերի 22-26-ին սպասվում է առանց տեղումների եղանակ։ Մայրաքաղաքում դեկտեմբերի 22-ի ցերեկը կգրանցվի +2...+4 աստիճան, իսկ երեկոյան ժամերին կլինի 0-2 աստիճան տաքություն։