Հայաստանի որոշ հատվածներում մառախուղ է սպասվում. եղանակի տեսություն

ԵՐԵՎԱՆ, 13 դեկտեմբերի – Sputnik. Այսօր և առաջիկա 3 օրերին Հայաստանում տեղումներ չեն սպասվում։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։

Դեկտեմբերի 15-17-ին Արարատյան և Շիրակի դաշտի ցածրադիր հատվածներում առավոտյան ժամերին սպասվում է մառախուղ։

«Օդի ջերմաստիճանը դեկտեմբերի 15-17-ին աստիճանաբար կնվազի՝ գիշերը` 4-6, ցերեկը՝ 2-4 աստիճանով»,–ասված է հաղորդագրությունում։

Այսօր Երևանում ցերեկային ժամերին օդի ջերմաստիճանը կտատանվի +7-ից +9, գիշերը` -1-ից -3 աստիճանի սահմաններում։