ԵՐԵՎԱՆ, 3 դեկտեմերի – Sputnik. Ամենայն հայոց կաթողիկոս Գարեգին Երկրորդը հայրապետական մեկօրյա այցով մեկնեց Շվեյցարիա։ Տեղեկությունը հայտնում է Մայր աթոռի տեղեկատվական համակարգը։
Այնուհետև նա երկօրյա այցով կլինի Մարսելում (Ֆրանսիա)
Ըստ հաղորդագրության` կաթողիկոսին ուղեկցում են «Գարեգին Ա» կրթական կենտրոնի տնօրեն Վահան եպիսկոպոս Հովհաննիսյանը, Մայր աթոռի վարչատնտեսական բաժնի տնօրեն Մուշեղ եպիսկոպոս Բաբայանը, Գևորգյան հոգևոր ճեմարանի տեսուչ Շահե ծայրագույն վարդապետ Անանյանը և Վեհափառ հայրապետի հանձնակատար Գրիգոր աբեղա Մինասյանը։