ԵՐԵՎԱՆ, 25 նոյեմբերի – Sputnik. ՌԴ Ռոստովի մարզի վրա ուկրաինական ԱԹՍ–ների հարձակումների հետևանքով 3 զոհ կա, ավելի քան 10 վիրավոր։ Այս մասին հայտնում է մարզպետ Յուրի Սլյուսարը։
«Ցավոք, բժիշկներին չի հաջողվել փրկել ևս 2 մարդու կյանքը, ստացած վերքերից նրանք մահացել են հիվանդանոցում», – գրել է մարզպետը տելեգրամյան ալիքում։
Ավելի վաղ նա հայտնել էր, որ մեկ մարդ մահացել է Տագանրոգում։
Պաշտոնյան նշել է, որ քաղաքային հանձնաժողովների օպերատիվ խմբերը կգնահատեն պատճառված վնասը, բնակիչներին կցուցաբերեն անհրաժեշտ է օգնություն։
Նշենք, որ գիշերը Ուկրաինայի զինված ուժերի կողմից զանգվածային հարձակման է ենթարկվել նաև Կրասնոդարի երկրամասը։ Նախնական տվյալներով՝ վիրավորվել է 6 մարդ։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։