ԵՐԵՎԱՆ, 11 նոյեմբերի – Sputnik. ՌԴ արտգործնախարար Սերգեյ Լավրովը մեկնաբանել է ՄիԳ-31-ի հետ կապված սադրանքը, որում դերակատարություն է ունեցել Մեծ Բրիտանիան։
«ԱԴԾ-ն շատ մանրամասն բացահայտել է այդ ամենը: Չգիտեմ` ինչպես են բրիտանացիները դա հերքելու, թեև հայտնի է` Լոնդոնը նման է գայլի, որի գլխին ավետարան են կարդում», – նշել է Լավրովը ռուսական ԶԼՄ–ներին տված հարցազրույցում:
Հիշեցնենք` ավելի վաղ ՌԴ ԱԴԾ–ն հայտնել էր, որ կանխել է Ուկրաինայի հետախուզության գլխավոր վարչության և բրիտանացի համակարգողների համատեղ գործողությունը. նրանք ծրագրել էին Ռումինիայում գտնվող ՆԱՏՕ-ի ավիաբազա ուղարկել «Կինժալ» հրթիռով զինված ռուսական ՄիԳ-31 կործանիչ՝ լայնածավալ սադրանք կազմակերպելու համար:
Ինքնաթիռը առևանգելու համար Ուկրաինայի հետախուզության գլխավոր վարչության աշխատակիցները փորձել են հավաքագրել ռուսաստանցի օդաչուներին՝ առաջարկելով նրանց 3 մլն դոլար և արևմտյան երկրներից մեկի քաղաքացիություն։
ԱԴԾ-ն ընդգծել էր, որ սադրանքը կարող էր դժվար կանխատեսելի բացասական հետևանքների հանգեցնել։