ԵՐԵՎԱՆ, 11 նոյեմբերի – Sputnik. Տոկիոյի հակառուսական քաղաքականությանն ի պատասխան՝ Ռուսաստանն արգելել է մի շարք ճապոնացի լրագրողների, պրոֆեսորների, պաշտոնյաների մուտքը երկիր։ Այս մասին ասվում է Ռուսաստանի արտաքին գործերի նախարարության հայտարարության մեջ։
«Պաշտոնական Տոկիոյի կողմից մեր երկրի դեմ այսպես կոչված պատժամիջոցների վերաբերյալ պատասխան միջոցառումների շրջանակներում, որոնք կապված են հատուկ ռազմական գործողության հետ, որոշում է կայացվել անժամկետ արգելել հետևյալ ճապոնացի քաղաքացիների մուտքը Ռուսաստանի Դաշնություն», - ասվում է դիվանագիտական նախարարության կայքում տեղադրված հայտարարության մեջ։
Ռուսաստան այցելել է արգելվել, մասնավորապես, Ճապոնիայի արտաքին գործերի նախարարության խոսնակ Տոշիհիրո Կիտամուրային, «Նիկեյ» թերթի լրագրողներին և սյունակագիրներին, Հիտոցուբաշի համալսարանի պրոֆեսորներին և այլ ճապոնացի պաշտոնյաներին։