ԵՐԵՎԱՆ, 6 նոյեմբերի – Spunik. Բաքվի դատարանում անկախ լրատվամիջոցների, փաստաբանների և միջազգային կառույցների բացակայությամբ այսօր շարունակվել է Արցախի նախկին ռազմաքաղաքական ղեկավարների և մյուս գերիների գործով կեղծ դատավարությունը` լսել են մեղադրանքը պաշտպանող դատախազների մեղադրական ելույթները։ Այս մասին հայտնում են ադրբեջանական լրատվամիջոցները։
Բաքվում շարունակվել է Արցախի ռազմաքաղաքական ղեկավարների «դատավարությունը»
Կեղծ դատավարության ընթացքում իբրև թե ապացույցներ են ներկայացվել Արցախի նախագահ Արայիկ Հարությունյանի դեմ` կապված 1990–ականների ազատագրական պատերազմի դրվագների հետ։
Դատական նիստը կշարունակվի վաղը։
Հիշեցնենք` հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով «դատավարությունը»: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք:
Նախկին պետնախարար և բարերար Ռուբեն Վարդանյանի գործը քննվում է առանձին վարույթով: