ԵՐԵՎԱՆ, 5 նոյեմբերի – Sputnik. ԱՊՀ երկրների Անվտանգության խորհրդի քարտուղարները ծաղկեպսակ և ծաղիկներ են դրել Մոսկվայի Ալեքսանդրովյան այգում Անհայտ զինվորի գերեզմանի Անմար կրակի մոտ:
Արարողությանը մասնակցել են ՌԴ անվտանգության խորհրդի քարտուղար Սերգեյ Շոյգուն, Բելառուսի, Ղազախստանի, Ղրղզստանի, Տաջիկստանի, Ուզբեկստանի և Ադրբեջանի անվտանգության խորհուրդների քարտուղարները, Թուրքմենստանի և Մոլդովայի ներկայացուցիչները, ինչպես նաև ԱՊՀ–ի և ՀԱՊԿ–ի ղեկավարությունը։
Հայաստանից ծաղկեպսակ և ծաղիկներ է դրել Մոսկվայում դեսպան Գուրգեն Արսենյանը:
Ավելի վաղ հաղորդվել էր, որ Հայաստանի Անվտանգության խորհրդի քարտուղար Արմեն Գրիգորյանը կմասնակցի ԱՊՀ մասնակից պետությունների անվտանգության խորհուրդների քարտուղարների խորհրդի նիստին: Արարողությունը նվիրված Է ԱՊՀ մասնակից պետությունների անվտանգության խորհուրդների քարտուղարների13-րդ հանդիպմանը, որը տեղի է ունենում նոյեմբերի4-6-ը Մոսկվայում: