Հազարավոր տեղահանված պաղեստինցիներ սկսել են վերադառնալ Գազայի հատվածում գտնվող իրենց տները՝ Իսրայելի և ՀԱՄԱՍ-ի միջև հրադադարի մասին համաձայնագրի ուժի մեջ մտնելուց հետո: ՌԻԱ Նովոստիի թղթակիցը նկարահանված կադրերում երևում է, թե ինչպես են մարդկանց հոսքերը ուղղվում Գազայի հատվածի կենտրոնական շրջաններ:
Ռաշիդ փողոցով անցնող ճանապարհը Միջերկրական ծովի ափի երկայնքով ժամանակավոր տեղակայման վրանային ճամբարներից մինչև Գազայի հատվածի՝ պատերազմի հետևանքով ավերված քաղաքներ, լցված է մարդկանցով, որոնք հույս ունեն զինադադարից հետո վերադառնալ իրենց տները: Մի մասը գնում են դեպի հյուսիս՝ տեսնելու, թե ինչ է մնացել իրենց տներից, մյուսները՝ դեպի հարավ։
«Ես վաղուց փախել եմ Խան-Յունիսի շրջան։ Այստեղ շատ փախստականներ կան, և մենք ստիպված էինք դիմակայել սարսափելի դժվարությունների. ջուր չկար, անվտանգության զգացում չկար։ Չեմ կարող նկարագրել, թե ինչ զգացի պատերազմը դադարեցնելու մասին հայտարարությունից հետո։ Երջանկություն է վերադառնալ նորմալ կյանքի, ինչպես նախկինում՝ առանց ռմբակոծությունների, ինքնաթիռների ձայնի և շտապ օգնության ազդանշանների»,-իր տպավորություններն է պատմել փախստական Համդան Թաբշը ՌԻԱ Նովոստիի թղթակցի հետ զրույցում:
Ավելի վաղ ՑԱԽԱԼ-ի ներկայացուցիչը հայտարարել էր, որ իսրայելական զորքերը դեռ ներկա կլինեն Գազայի տարբեր շրջաններում, և մարդկանց զգուշացրել էր խուսափել նրանց մոտենալուց: Գազայի բնակիչներին արգելել են լողալ և ձուկ որսալ ծովում։ Հայտարարության մեջ նշվում է, որ տեղաշարժվել թույլատրվում է Ռաշիդ և Սալահեդդին փողոցներով:
Այսօր ժամը 13:00-ին (Երևանի ժամանակով) ուժի մեջ է մտել պաղեստինյան ՀԱՄԱՍ շարժման և Իսրայելի միջև հրադադարի մասին համաձայնագիրը: Պայմանավորվածությունների շրջանակներում Իսրայելի բանակը սկսել է դուրս բերել ուժերը պաղեստինյան քաղաքներից՝ պահպանելով իր ներկայությունը կիսէսքկլավի առանձին առանցքային շրջաններում: