ԵՐԵՎԱՆ, 4 հոկտեմբերի – Sputnik. Հայաստանից 11 շախմատիստ է մասնակցում աշխարհի պատանիների և աղջիկների առաջնությանը: Տեղեկությունը հայտնում է Հայաստանի շախմատի ֆեդերացիան:
Առաջնությունը անցկացվում է 6 տարիքային խմբերով՝ մինչև 18, 16, 14 տարեկան պատանիներ և մինչև 18, 16, 14 տարեկան աղջիկներ:
Մինչև 18 տարեկանների խմբում Հայաստանը կներկայացնեն Ռոբերտ Փիլիպոսյանը, Վահե Սուքիասյանը, Ռուդոլֆ Փաշիկյանը և Նվարդ Հայրապետյանը, մինչև 16 տարեկանների խմբում՝ Վաչե Հովակիմյանը, Անի Ավետիսյանը և Անահիտ Մկրտչյանը: Մինչև 14 տարեկան տարիքային խմբում են Տիգրան Համբարձումյանը, Մանվել Առաքելյանը, Տիգրան Սողոմոնյանը և Գաբրիելա Հարությունյանը:
Նշենք, որ աշխարհի առաջնությունն անցկացվում է Ալբանիայի Դուրես քաղաքում հոկտեմբերի 4-ին և կեզրափակվի հոկտեմբերի 15-ին: