Սպասվում է անձրև, հնարավոր է նաև մառախուղ. եղանակի տեսություն

ԵՐԵՎԱՆ, 2 հոկտեմբերի – Sputnik. Հանրապետության տարածքում հոկտեմբերի 2-ին առանձին շրջաններում սպասվում է անձրև, հնարավոր է նաև մառախուղ։ Հոկտեմբերի 3-6-ին սպասվում է առանց տեղումների եղանակ։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։

Օդի ջերմաստիճանը այսօր կշարունակի նվազել, իսկ հոկտեմբերի 3-6-ին աստիճանաբար կբարձրանա 8-10 աստիճանով։

Երևան քաղաքում հոկտեմբերի 2-ին հնարավոր է անձրև։ Հոկտեմբերի 3-6-ին սպասվում է առանց տեղումների եղանակ։

Մայրաքաղաքում հոկտեմբերի 2-ի ցերեկը կլինի 18-20 աստիճան տաքություն, իսկ երեկոյան ժամերին կգրանցվի +14....+16 աստիճան։