Ընդդիմության հանրահավաք Քիշնևում. Դոդոնը հայտարարել է՝ իշխանությունները շուտ են ուրախանում

Մոլդովայի իշխանությունները շուտ են ուրախանում այն փաստից, թե ինչպես նրանց հաջողվեց անցկացնել խորհրդարանական ընտրությունները, երկրի ժողովուրդը դժգոհ է և չի վախենում, Քիշնևի կենտրոնում կայացած հանրահավաքի ժամանակ հայտարարել է «Հայրենասիրական դաշինքի» առաջնորդներից մեկը՝ նախկին նախագահ Իգոր Դոդոնը։

Նախագահ Մայա Սանդուի իշխող «Գործողություն և համերաշխություն» (PAS) կուսակցությունը նախնական տվյալներով 9 տեղ է կորցրել և 54 պատգամավորական մանդատ ստացել, ընդդիմությունը` 47:

Միևնույն ժամանակ իշխող կուսակցության հաղթանակը ձեռք է բերվել արտասահմանյան ընտրատեղամասերում տեղի ունեցած քվեարկության հաշվին։

Ընդդիմությունը մեղադրում է Սանդուին նրանում, որ մի քանի տարի շարունակ տարբեր միջոցներ են կիրառվել, որպեսզի ընդդիմությանը թույլ չտան իշխանության գալ. գործի են դրվել սպառնալիքներ, շանտաժ, խուզարկություններ, ընդդիմադիր ակտիվիստների ձերբակալություններ (կալանավորվել է այդ թվում՝ Գագաուզիայի ղեկավար Եվգենյա Գուցուլը): Քվեարկության նախօրեին էլ ԿԸՀ–ն խորհրդարանական ընտրություններից հեռացրեց «Մոլդովայի սիրտ» ընդդիմադիր կուսակցությանը, որը «Հայրենասիրական դաշինքի» մաս է կազմում:

Նա կոչ է արել ցույցի բոլոր մասնակիցներին զգույշ լինել և չտրվել սադրանքներին։

Մոլդովայի իշխանությունները ավանդաբար Մերձդնեստրի Մոլդովական Հանրապետության (ՄՄՀ) բնակիչների համար ընտրատեղամասեր են բացում Դնեստրի աջ ափին։ Խորհրդարանական ընտրությունների ժամանակ Մերձդնեստրի բնակիչների համար բացվել է 12 ընտրատեղամաս, ինչը նախորդ անգամվա համեմատ քիչ է երեք անգամ։ Մերձդնեստրում բնակվող 270 000 մոլդովացիներից ընտրատեղամասեր է հաջողվել հասնել միայն մոտ 12 000-ին, այդ թվում ռումբի մասին հաղորդումների ֆոնին կամուրջը փակելու պատճառով։