ԵՐԵՎԱՆ, 22 սեպտեմբերի – Sputnik. ՌԴ ՊՆ ՀՕՊ ուժերը հետ են մղում Ուկրաինայի զինված ուժերի անօդաչու թռչող սարքերի հարձակումը Մոսկվայի վրա։ Այս մասին հայտնել է քաղաքապետ Սերգեյ Սոբյանինը:
«Պաշտպանության նախարարության ՀՕՊ–ը դիմագրավում է Մոսկվայի վրա հարձակված անօդաչու միջոցների հարձակմանը»,– գրել է նա Telegram-ի իր ալիքում:
Քաղաքապետը նշել է, որ տեղում աշխատում են բոլոր արտակարգ ծառայությունները։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։