ԵՐԵՎԱՆ, 20 սեպտեմբերի – Sputnik․ Հայաստանի Հանրապետության առանձին շրջաններում այսօր և առաջիկա 2 օրերին սպասվում է կարճատև անձրև և ամպրոպ։ Տեղեկությունը հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։
Հաղորդագրության համաձայն` քամին կլինի հյուսիսարևելյան՝ 5-9մ/վ աագությամբ, ամպրոպի ժամանակ սպասվում է քամու ուժգնացում՝ 18-22մ/վ արագությամբ։
Օդի ջերմաստիճանն այսօր ցերեկը կբարձրանա 4-5 աստիճանով։
Երևան քաղաքում այսօր սպասվում է առանց տեղումների եղանակ։ Սեպտեմբերի 21-ի ցերեկը քաղաքի առանձին հատվածներում հնարավոր է կարճատև անձրև և ամպրոպ։