ԵՐԵՎԱՆ, 4 սեպտեմբերի – Sputnik. Ռուսաստանի ՀՕՊ համակարգերը երեկ երեկոյան Ռուսաստանի շրջանների և Սև ծովի վրա խոցել են 46 ուկրաինական անօդաչու թռչող սարք։ Այս մասին հայտնում է Ռուսաստանի պաշտպանության նախարարությունը։
«Սեպտեմբերի 4-ին՝ կեսգիշերից մինչև ժամը 06:00-ն (Մոսկվայի ժամանակով), հերթապահ ՀՕՊ համակարգերը որսացել և ոչնչացրել են 46 ուկրաինական ինքնաթիռատիպ անօդաչու թռչող սարք», - ասվում է հաղորդագրության մեջ։
Նշվում է, որ դրանցից 24-ը ոչնչացվել է Ռոստովի մարզի, չորսը՝ Կրասնոդարի երկրամասի, երկուսը՝ Վոլգոգրադի մարզի և 16-ը՝ Սև ծովի վրա։
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։