Պեկինը ցուցադրել է աշխարհի ամենամեծ բանակի հզորությունը Ճապոնիայի նկատմամբ Չինաստանի և Համաշխարհային հակաֆաշիստական պատերազմում տարած հաղթանակի 80-ամյակին նվիրված շքերթին: Շքերթին մասնակցել է մոտ 40 000 զինծառայող և գրեթե 500 տեսակ ռազմական տեխնիկա:
Պեկինի Թիենանմեն հրապարակում ելույթ ունենալիս՝ Չինաստանի առաջնորդ Սի Ծինփինը հայտարարել է, որ կարևոր է չմոռանալ պատմության դասերը և հարաբերությունները կառուցել հավասարության հիմքի վրա: Նրա խոսքով՝ Չինաստանի ժողովրդի վերածնունդն անկասելի է, աշխարհի երկրներն էլ պետք է վերացնեն պատերազմների արմատական պատճառները և կանխեն պատմական ողբերգությունների կրկնությունը:
Այս տարվա շքերթին նվագում էր ամենամեծ միացյալ ռազմական նվագախումբը, որը բաղկացած է ավելի քան հազար մարդուց: Չինաստանը ցուցադրեց նոր սերնդի այնպիսի զենքեր, ինչպիսիք են տանկերը, տախտակամածային ինքնաթիռներն ու չորրորդ սերնդի կործանիչները, անօդաչու ինտելեկտուալ և հակադրոնային սարքերը, ինչպես նաև առաջադեմ հրթիռները, այդ թվում՝ գերձայնային:
Շքերթի ժամանակ զենքերի նոր տեսակներ ցուցադրվեցին։