Ռուսաստանի նախագահ Վլադիմիր Պուտինն ու Սլովակիայի վարչապետ Ռոբերտ Ֆիցոն բանակցություններ են անցկացրել Պեկինում։
Հանդիպման սկզբում Ֆիցոն Պուտինին հարցրել է. «Ինչպե՞ս եք»։
«Եթե ողջ եմ, արդեն լավ է»,– պատասխանել է ՌԴ նախագահը։
Պուտինը նշել է, որ Մոսկվան գնահատում է Սլովակիայի անկախ արտաքին քաղաքականությունը և շարունակում է մնալ էներգառեսուրսների հուսալի մատակարարը։
Ինչ վերաբերում է ուկրաինական հակամարտությանը, ապա ՌԴ նախագահը նշել է, որ Մոսկվան ստիպված էր պաշտպանել այն մարդկանց, որոնք իրենց ճակատագիրը կապում են ՌԴ–ի հետ, և երկար է հանդուրժել ուկրաինացիների կողմից Ռուսաստանի էներգետիկ ենթակառուցվածքներին հասցվող հարվածները, ապա սկսել է լուրջ արձագանքել։
Ֆիցոն ենթադրել է, որ իրեն կքննադատեն Պուտինի հետ հանդիպման համար, բայց հայտարարել է, որ պատրաստ է այդ հանդիպումն օգտագործել Ռուսաստանից Եվրամիությանը ուղերձ փոխանցելու համար։ Նա նաև նշել է, որ Զելենսկու հետ հանդիպմանը (սեպտեմբերի 5-ին) կբարձրացնի էներգետիկ ենթակառուցվածքների վրա հարձակումների անթույլատրելիության հարցը։