ԵՐԵՎԱՆ, 28 օգոստոսի – Sputnik. ՀՀ դիվանագետներին ներկայացվել է Սյունիքի մարզի ճանապարհների կառուցման ընթացքը։ Տեղեկությունը հայտնում է ՀՀ արտգործնախարարությունը։
Դեսպանաժողովի ընթացքում կազմակերպվել է ԱԳՆ կենտրոնական ապարատի և դիվանագիտական ծառայության մարմինների ղեկավարների այցելություն Սյունիքում նոր կառուցվող մի քանի ենթակառուցվածքներ։
«ՀՀ տարածքային կառավարման և ենթակառուցվածքների նախարար Դավիթ Խուդաթյանը ՀՀ դիվանագետներին ներկայացրել է Հյուսիս-հարավ տրանսպորտային միջանցքի հարավային հատվածում իրականացվող աշխատանքները՝ ներառյալ Ագարակ-Քաջարան ճանապարհահատվածի նոր թունելի և կամուրջների կառուցման ընթացքը»,– ասված է հաղորդագրությունում։
Հայաստան-Իրան սահմանագծին դիվանագետները ծանոթացել են անցակետի ընդլայնման, երկրորդ կամրջի կառուցման ծրագրերին։
Հիշեցնենք` տարեկան դեսպանահավաքը մեկնարկել է օգոստոսի 24-ին Կապանում։