ԵՐԵՎԱՆ, 22 օգոստոսի - Sputnik. Ուկրաինայի անվտանգության ծառայության (ՈւԱԾ) հանձնարարությամբ տարածաշրջանում ռազմական օբյեկտների մասին տեղեկություններ հավաքելու մտադրության համար ձերբակալվել է Պրիմորիեի 2 բնակիչ։ Այս մասին հաղորդում է ՌԴ անվտանգության դաշնային ծառայության (ԱԴԾ) հասարակայնության հետ կապերի կենտրոնը։
«ԱԴԾ-ն կասեցրել է Ռուսաստանի Դաշնության 1990 և 1998 թվականներին ծնված՝ Պրիմորիեի 2 բնակիչների լրտեսական գործունեությունը. նրանք համագործակցում էին ուկրաինական հատուկ ծառայությունների հետ։ Պարզվել է, որ ՈւԱԾ հանձնարարությամբ հանցագործները մտադիր էին տեղեկատվություն հավաքել տարածաշրջանում տեղակայված՝ Ռուսաստանի ՊՆ ռազմական օբյեկտների մասին։ Ընդ որում, նրանք լիովին գիտակցում էին իրենց հավաքած տվյալները մեր երկրի անվտանգության դեմ օգտագործելու հնարավորության մասին», - ասվում է հաղորդագրության մեջ։
Կասկածյալների դեմ հարուցվել են գործեր ըստ Ռուսաստանի քրեական օրենսգրքի 275.1 հոդվածի (գաղտնիության հիմունքներով համագործակցություն օտարերկրյա պետության, միջազգային կամ օտարերկրյա կազմակերպության հետ), նրանք կալանավորվել են։
Ներկայում պարզվում են լրտեսական գործունեության բոլոր հանգամանքները, ինչպես նաև տարվում են աշխատանքներ՝ կալանավորվածների կողմից կատարված այլ հնարավոր հանցագործությունները բացահայտելու ուղղությամբ։