Թուրքիայում շարունակում են մոլեգնել անտառային հրդեհները։ Այս մասին հաղորդում են տեղական լրատվամիջոցները։
Հրդեհներ են գրանցվել Չանաքալեում, Դիարբեքիրում, Քոջաելիում և Ադիյամանում։
Իրավիճակն առավել սուր է Չանաքալեի նահանգի Էզինե շրջանում. մի քանի բնակավայրերից տարհանվել է ավելի քան 2000 մարդ։
Նավային երթևեկությունը Դարդանելի նեղուցով մի քանի անգամ ժամանակավորապես դադարեցվել է, իսկ Չանաքալեի օդանավակայանը՝ փակվել։ Սահմանափակումներն ավելի ուշ հանվել են։
Հրդեհաշիջմանը մասնակցում են փրկարարներ, անտառապահներ և տեղի բնակիչներ։