ԵՐԵՎԱՆ, 14 օգոստոսի – Sputnik. Կոտայքի մարզում այսօր ավտովթար է տեղի ունեցել, որի հետևանքով 1 մարդ տեղում մահացել է, 6-ը` տարբեր աստիճանի վնասվածքներ ստացել։ Տեղեկությունը հայտնում է shamshyan.com–ը։
Ժամը 17:25-ի սահմաններում Երևան-Սևան-Իջևան ավտոճանապարհի 32 կմ հատվածում բախվել են «Mercedes G500» և «Toyota RAV4» մակնիշի ավտոմեքենաները:
Ըստ նախնական տեղեկությունների՝ ավտոմեքենաներից մեկը Երևան ընթանալիս դուրս է եկել բաժանարար գոտուց, բախվել երկաթե արգելապատնեշներին և հայտնվել դեպի Սևան ընթացող ճանապարհահատվածում, ինչն էլ դարձել է վթարի պատճառ: