ԵՐԵՎԱՆ, 13 օգոստոսի – Sputnik. ՌԴ զինվորականները վերջին օրվա ընթացքում վերահսկողության տակ են վերցրել Դոնեցկի Պոկրովսկի (Կրասնոարմեյսկի) շրջանի Սուվորովո (Զատիշոկ) և Նիկանորովկա գյուղերը։ Տեղեկությունը հայտնում է Ռուսաստանի պաշտպանության նախարարությունը։
««Կենտրոն» զորախմբավորման ստորաբաժանումների ակտիվ և վճռական գործողությունների արդյունքում ազատագրվել են Դոնեցկի Ժողովրդական Հանրապետության Սուվորովո և Նիկանորովկա բնակավայրերը»,-ասվում է գերատեսչության ամփոփագրում:
ՌԴ ԶՈւ-ն հաջողությամբ առաջ է շարժվել չորս բնակավայրերի մոտ և ութ հարձակում է իրականացրել Ուկրաինայի զինված ուժերի դիրքերի ուղղությամբ։
ՌԴ ՊՆ-ն նաև ներկայացրել է, թե Ուկրաինայի զինուժը որքան կորուստ է ունեցել «Արևմուտք» զորախմբավորման գործողությունների գոտում։
Այս զորախմբավորման ստորաբաժանումները մեկ օրում ոչնչացրել են Ուկրաինայի ավելի քան 220 զինվորական, մեկ տանկ, ամերիկյան արտադրության M113 զրահափոխադրիչ, կանադական արտադրության «Senator» մարտական զրահապատ մեքենա, ութ ավտոմեքենա, ամերիկյան արտադրության երկու 155 մմ-անոց M198 հաուբից, ռադիոէլեկտրոնային պայքարի չորս կայան, օդային թիրախների հայտնաբերման ռադիոլոկացիոն կայան և զինամթերքի հինգ պահեստ:
Հիշեցնենք՝ 2022–ի փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Մարտական գործողություններն ընթանում են մինչ օրս։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։